LG në “Computex” ka prezantuar kompjuterin all-in-one V300 i dedikuar më së shumti për adhuruesit multimedialë, pasi vjen me ekran 23 inç Full HD i ndjeshëm në prekje, me ndriçim të pasmë LED.

Po ashtu, ekrani mbështet edhe shfaqjen 3D dhe për kënaqësi në foto në tre dimensione, nevojiten syze shtesë, çka me këtë kompjuter vijnë dy palë. Pasi bëhet fjalë për ekran të ndjeshëm në prekje, LG në të ka të instaluar softuerin i cili është i përshtatur me një navigacion të tillë.

Edhe pse rreth kësaj çështjeje supozohet tashmë disa vite, tani edhe zyrtarisht është konfirmuar, pra, se rrezatimi nga celularët vërtet mund të shkaktojë kancer. Organizata ndërkombëtare WHO, kështu celularët i ka renditur në rangun e plumbit, kloroformit dhe gazrave nga motori.

Vendimin zyrtar të këtij vërtetimi e ka sjellë një ekip prej 31 shkencëtarëve nga 14 vende të botës, pasi në detaje kanë ekzaminuar studimet për sigurinë e celularëve. Dhe gjykimi i tyre është se celularët paraqesin rrezik potencial për njerëzit.

Për këtë arsye, ekspertët dhe prodhuesit e celularëve këshillojnë që këto pajisje t’i mbani larg së paku 25 centimetra nga trupi juaj.

Në konferencën e mbajtur në panairin “Computex” në Tajvan, Sundar Pichai nga Google ka folur për sistemin operues Chrome OS dhe është përgjigjur në pyetjet rreth përdorimit të tyre eventual në tablo.

Në të vërtetë, zyrtarët e Google-s kohë më parë kanë deklaruar se po testojnë Chrome OS në forma të ndryshme të harduerëve, por tani Pichai e ka vërtetuar se ky sistem operues do të dedikohet vetëm për laptopë, pra se në këtë kompani mbesin pas qëndrimit të vjetër se sistemi operues Android do t’u dedikohet vetëm pajisjeve me ekran të ndjeshëm në prekje, ndërsa Chrome në pajisjet që kanë tastierë.

Po ashtu, ai ka shtuar se nuk ka plane për lidhjen e këtyre sistemeve operuese në të ardhmen e afërt.

Instituti Riinvest në Prishtinë ka shprehur shqetësim për qëndrueshmërinë financiare dhe perspektivën ekonomike të Kosovës, pas deklaratës së Fondit Monetar Ndërkombëtar për ridizajnimin e marrëdhënieve me Kosovën.

Nëpërmjet një komunikate për media, instituti Riinvest thotë se humbja e asistencës financiare për vitin 2011, “do të krijoj nevojën e financimit të deficitit nga bilanci bankar i mbledhur nëpër vite, duke e bërë kështu Kosovën vend jolikuid në përmbushjen e obligimeve financiare në periudhën afatmesme”.

Në përmbyllje të 100-ditëshit të parë të punës, Qeveria e Kosovës është përballur me kërkesën e deputetëve opozitarë për dorëheqje. Pasi që kanë vlerësuar se nuk ka pasur asnjë punë, asnjë zhvillim, vetëm degradim të qeverisjes dhe kulturës së punës, deputetët e opozitës në seancën plenare të Kuvendit të Kosovës të premten kanë kërkuar nga kryeministri dhe nga kabineti qeveritar që të japin dorëheqje dhe të lëshojnë rrugën për një qeverisje më të mirë.

Ylli i Barcelonës, Andres Iniesta ka hedhur poshtë të gjithë zërat se ka mosmarrëveshje ndërmjet lojtarëve spanjollë në përfaqësuese duke aluduar në ata të Real Madridit dhe Barcelonës.

Kampioni botëror do të luajë ndeshjes e parë miqësore me SHBA-të të shtunën që prej El Classiocs ndërmjet Barcës dhe Reali ku ekseset nuk kishin munguar.

“Nuk ka kurrfarë problemi ndërmjet futbollistëve tanë. Ne jemi me përfaqësuesen tani dhe të gjithë i kemi objektivat e njëjta këtu. Disa gjëra të këqija kanë ndodhur por çdokush duhet të veprojë në bazë të asaj se çfarë është më e mira për të”, tha Iniesta.

Ish-gjenerali serbo-boshnjak, Ratko Mlladiq, ka dale të premten për herë të parë përballë Gjykatës së Hagës. Në paraqitjen e tij të parë, Mlladiq tha se është “njeri shumë i sëmurë” dhe ka refuzuar të deklarohet lidhur me “akuzat e papranueshme”, për akuzat për gjenocid, për krime të luftës dhe krime kundër njerëzimit.

Gjyqtari kryesues, Alfons Ori, e ka caktuar datën e re për deklarim për fajësinë më 4 korrik.

Vit për vit janë duke u rregulluar rrugë në kryeqytet, por në to shumë shpejt po “mbijnë” gropat. Qytetarët fajësojnë kompanitë të cilat po e shtrojnë shtresën e asfaltit sa për sy e faqe. Njazi Selimi, i cili banon në rrugën “Xhavit Ahmeti”, ankohet se kjo rrugë nuk ka shumë kohë që është rregulluar, por nga gropat e shumta është bërë gati e pakalueshme.

Dyshohet se një nga personat më të kërkuar nga drejtësia kosovare, Enver Sekiraqa, sërish është në arrati. Deri më tash ishte njoftuar për mundësinë e identifikimit të tij nga policia irlandeze dhe se i njëjti ndodhej në arrest shtëpiak.

Kjo kishte bërë që Ministria e Drejtësisë së Kosovës, menjëherë të nis drejt Irlandës dosjen e tij me anë të së cilës kërkohet që ky person të ekstradohet. Derisa kjo kërkesë u është dorëzuar autoriteteve irlandeze në fund të vitit të kaluar, në Prishtinë, së paku publikisht, nuk është pranuar asnjëherë se ata kanë marrë përgjigje zyrtare.

Por ndërkohë, burime të Expressit në Prishtinë, tregojnë se i shumëkërkuari Enver Sekiraqa, tashmë ndodhet sërish në arrati. Pa qenë në gjendje të japin detaje të mënyrës së arratisjes së këtij personi i cili akuzohet për vepra të rënda penale, burime të gazetës tregojnë se Sekiraqa është arratisur sërish.

Shumica prej nesh e kanë bezdi të provojnë rrobat, kur duan të blejnë diçka dhe për këtë arsye, një shoqëri në Moskë ka menduar një ide origjinale, duke krijuar një dhomë virtuale, kur rrobat që do të blini mund t’i provoni me ndihmën e kompjuterit. 

Gjykatësi për konfirmim i EULEX-it nga Gjykata Komunale në Pejë konfirmoi aktakuzën kundër shtatë të akuzuarve për krim të organizuar, kidnapim dhe përdorim të paautorizuar të armëve.

Sipas komunikatës së lëshuar nga misioni evropian bëhet fjalë për Bedri Krasniqin, Dervish Idrizajn, Hamdi Krasniqin, Ahmet Nezirajn, Ilmi Lufajn, Hime Krasniqin dhe Selman Gashin.

Një makinë zyrtare e Policisë së Kosovës, është sulmuar me gurë, ditën e mërkurën, rreth orës 15:00, në rrugën magjistrale Mitrovicë – Leposaviq, në fshatin Rudare të Zveçanit. Zyrtari për informim publik në Mitrovicë, toger Besim Hoti, ka njoftuar se një automjet zyrtar, me shenja të dukshme të Policisë së Kosovës, është sulmuar me gurë në rrugën magjistrale Mitrovicë – Leposaviq, në fshatin Rudare të Zveçanit.

Sipas tij, rasti i dëmtimit është regjistruar rreth orës 15:00, kurse tre zyrtarët policorë, dy serbë e një i përkatësisë etnike shqiptar, nga radhët e njësisë së trafikut rajonal të Mitrovicës, kanë njoftuar për rastin e sulmit me gurë mbi pronën e policisë së Kosovës.

Në fshatin Petrovë të enjten në mëngjes tragjikisht ka pësuar një vogëlushe dyvjeçare. Ajo ka pësuar derisa babai dhe xhaxhai i saj po ngarkonin në kamionetë një rrethojë pusi prej druri.

Policia nuk ka dhënë shumë hollësi rreth kësaj tragjedie familjare me arsyetim se rrethanat e aksidentit fatal janë duke u hetuar.

Sipas deklaratave të familjarëve, aksidenti fatal ka ndodhur rreth orës 8.30 minuta, ka njoftuar toger Agim Gashi, zëdhënës rajonal i Policisë.

Gashi ka nënvizuar se vajza dyvjeçare, sipas hetimeve të para, ishte aksidentuar për vdekje, pasi rrethoja prej druri e pusit, kishte rrëshqitur nga automjeti në të cilin po e ngarkonin babai dhe xhaxhai i saj, duke e zënë përfundi vajzën e pafat”.

Fëmija menjëherë ishte dërguar për trajtim në ambulancën e Shtimes, por mjekët vetëm kishin konstatuar vdekjen, pasi ajo kishte arritur pa shenja jete.

Me rastin është duke u marrë Prokuroria e Qarkut në Prishtinë. Trupi i pajetë u është dorëzuar familjarëve.

Kreu i ekipit serb në bisedimet me Kosovën, Borisllav Stefanoviq, tha se hapat e njëanshëm të Prishtinës, si arrestimi i biznesmenëve dhe zhvendosja e komandantëve të policisë në veri të Kosovës, mund të ndikojnë negativisht edhe në dialog, edhe në atmosferë.

Këto komente, ai i bëri gjatë qëndrimit në veri të Mitrovicës dhe Zveçan.

I pyetur nëse veriu do të jetë temë e raundeve të ardhshme të bisedimeve, Stefanoviq tha: "Ne e kemi thënë disa herë se jemi të gatshëm të bisedojmë për të gjitha temat në mënyrë të hapur dhe konstruktive, në përpjekje për të gjetur zgjidhje për të gjitha çështjet".

Hetuesit policorë nga drejtoria për hetimin e krimeve ekonomike dhe korrupsionit, të enjten pasdite, kanë arrestuar shtatë persona nën dyshimin e bazuar se kanë kryer veprat penale Shpërdorim i detyrës zyrtare nga neni 339 dhe Përvetësimi gjatë ushtrimit të detyrës nga neni 340 i Kodit Penal të Kosovës.

Sipas një njoftimi të Policisë së Kosovës, thuhet se të gjithë të dyshuarit kanë qenë punonjës në qendrën klinike mjekësore familjare (QKMF), në Rahovec të cilët janë arrestuar nga ana e hetuesve policorë.

Të arrestuarit janë Ejup Z., 1960, Avdyl H., 1962, Rexhep V., 1954, Agim E., 1975, Fatmir D., 1972, Selajdin R., 1962 dhe Shani V., i lindur më 1959.

Më se 6 milionë njerëz në botë vdesin nga pirja e duhanit dhe ekspozimi ndaj tymit të tij, që nënkupton se çdo 6 sekonda vdes një person. Shifrat e Organizatës Botërore e Shëndetësisë janë bërë publike në vigjilje të ditës botërore kundër duhanit që është 31 maji.

Austriaku Daniel Köllerer më kurrë nuk do të luajë tenis. Kështu ka vendosur Shoqata e Tenistëve Profesionistë (TIU), pasi që më parë gjykata e kishte shpallur si fajtor tensitin austriak për shkak të kurdisjeve të meçeve.

Kampioni i ri polak, Wisla Krakow është jashtëzakonisht i interesuar për shërbimet e sulmuesit holandez tashmë 35 vjeçar, Ruud van Nistelrooy.

Kampionët polakë janë në zor për një sulmues me përvojë, për të arritur sa më larg në Ligën e kampionëve dhe kështu janë të gatshëm që të japin 1 milion euro për një stinor.

Futbollistët e Besës së Pejës janë kampionë të Kosovës në futsall për edicionin 2010/2011, pasi edhe në ndeshjen e dytë finale kanë mposhtur ekipin e Feniksit me rezultat 4:3.

Ndeshja e kthimit u zhvillua në palestrën “Sezai Surroi” në Prizren në praninë e afro 1000 shikuesve, kurse gjyqtarë ishin H. Hajdari e A. Hoxha.

Ky është tregimi për njërën prej ngjarjeve më të njohura në botën e sportit, ngjarjes për shkak të së cilës thyhen shtizat edhe sot. Ishte ai takimi që humbësi sot e asaj dite nuk e pranon se ka humbur, e fituesit, si gjithnjë, rrijnë të qetë dhe e përcjellin nervozën e humbësit. Fjala është për turneun final të Lojërave Olimpike të mbajtura më 1972 në Munchen të Gjermanisë.

Kryetari i Lidhjes Demokratike të Kosovës, Isa Mustafa e vlerësoi të dështuar qeverisjen 100 ditëshe të kryeministrit Hashim Thaçi, duke theksuar se në krye të kësaj qeverie ka njerëz të paskrupullt, të cilët tentojnë të mashtrojnë për çdo gjë.

Këto komente, Mustafa i bëri në një konferencë për media për vlerësimin e punës së Qeverisë së Kosovës.

Sipas tij, Qeveria Thaçi është qeveri e prangave, që synon gjithçka për veten dhe që nuk ka përmbushur asnjë nga premtimet që i ka bërë.

Në botimin e ri të librit të “Guiness-it” për “gejmera” dominion “Apple”, dhe atë në disa kategori. iPhone 4 është futur në mesin rekorderëve si “konsola” më e shpejtë e shitur (1.5 milionë copë që në ditën e parë). Sa për krahasim, “Sony” PlayStation-in në vitin 2005 e ka shitur në 200 mijë copë, ndërsa “DS” në vitin 2004 me Nintendo-n arriti që për një ditë t’i shesë 500 copë të kësaj pajisje.

Federata Botërore e Futbollit ka rizgjedhur president Sepp Blatter, i cili ishte i vetmi kandidat për këtë post.

Zvicerani 75-vjeçar mban këtë pozicion nga viti 1998.

Ai ka marrë 186 vota nga 203 delegatët e pranishëm në Kongresin e FIFA-s.

Votimi është mbajtur me gjithë kërkesën e Anglisë për shtyrje, për shkak të skandaleve për korrupsion që kanë tronditur Federatën Botërore të Futbollit.

Presidenti serb Boris Tadiq tha se janë të nevojshëm “hapa të pazakontë” në politikën e Serbisë ndaj Kosovës, për të shtuar se ekziston shansi për “një zgjidhje të re”.

Ai vlerësoi se mënyra se si Beogradi zyrtar e ka trajtuar çështjen e Kosovës në të kaluarën ishte “në kundërshtim me interesat e serbëve dhe të popullit serb”.

Prishtina zyrtare akoma nuk është e vendosur nëse do t’i pranojë apo jo nga Serbia kopjet e regjistrave civilë, që janë marrë nga regjimi i Milloshviqit pas përfundimit të luftës në vitin1999.

Shefja e delegacionit kosovar në bisedimet me Serbinë, Edita Tahiri, sërish nuk e përjashton mundësinë që në kuadër të një marrëveshjeje eventuale, të pranohen edhe kopjet e regjistrave civilë. Ndërsa, ekspertët e çështjeve civile dhe profesorët kosovarë e konsiderojnë veprim jo të logjikshëm, madje të disfavorshëm nëse Kosova i pranon kopjet.

Nuk thuhet kot se Amerika është vendi i mundësive dhe vendi i ëndrrave. Këtë patëm rastin ta mësojmë edhe ne kosovarët kur 12 brucoshë të Universiteteve nga 19 dhe 20 vjet të cilët e dashurojnë basketbollin erdhën nga SHBA-të dhe i dhanë shkollë përfaqësueses tonë se si luhet kjo lojë e cila tek e fundit edhe lindjen e ka në Amerikë.

Ndeshja në mes të universitarëve amerikan dhe përfaqësues sonë ishte treguesi më i mirë se në Kosovë gjithçka është minimale dhe se gjithçka është vetëm duke mbijetuar.

Federata e Futbolli e Katarit thuhet se i ka ofruar Pep Guardiolës shifra astronomike prej 36 milionë eurove që të marrë për një vit drejtimin e përfaqësueses së këtij vendi.

Guardiola kishte thënë më herët se koha e tij në Barcelonë po përfundon dhe ish reprezentuesi i Spanjës pritet që të largohet nga blaugranët kur të skadojë kontrata e tij në vitin 2012.

Sheiku Hamad Bin Khalifa Bin Ahmad Al Thani pëlqen shumë spanjollin dhe e sheh atë si njeriun e duhur për të ndihmuar futbollin e Katarit dhe ta ngrejë atë në nivel tjetër.

Mesfushori legjendar i Manchester United, paul Scholes përfundimisht i ka dhënë fund karrierës së tij të gjatë dhe të suksesshme si futbollist aktiv.

Scholes i cili është një produkt i akademisë së Manchesterit ishte pjesë e grupit të famshëm të mesit të viteve 90-ta, dhe që atëherë ka luajtur më shumë se 650 ndeshje për djajtë e kuq. Ai njihet si një ndër futbollistët më të mirë anglez të gjeneratës së tij.

Zëvendëskryeministri serb, Ivica Daçiq, njëherësh ministër i Punëve të Brendshme, ka thënë se Serbia ka bërë gabim të madh, ngase për Kosovën nuk ka biseduar me Shqipërinë, ndërsa sërish ka potencuar se Kosova duhet të ndahet midis Serbisë dhe Shqipërisë.

Raportuesi i Parlamentit evropian për Serbinë, Jelko Kacin ka thënë në një intervistë për Radio Dukagjinin se hapjen e idesë së ndarjes nuk e sheh si nismë relevante, pasi kjo nuk do të rrezikonte vetëm një shtet por të gjitha shtetet ish Jugosllavisë, apo ato shtet që kanë dalë nga kjo federatë.

Ai ka vlerësuar se pas shpërbërjes së ish Jugosllavisë, nuk ka pasur asnjë ndryshim të kufijve të brendshëm të shteteve që janë krijuar nga kjo federatë.

Me të ardhur në kufi ende pa u futur mirë në Kosovë, mërgata nis të “plaçkitet”. Secili person që vjen nga diaspora, në momentin kur vjen në Kosovë me veturë është i obliguar të paguajë policën e sigurimit, edhe nëse ka sigurim nga vendi që ai vjen. Sigurimet e vendeve të tjera nuk vlejnë në territorin e Republikës e Kosovës.

Zëdhënësi i Bankës Qendrore të Kosovës Besnik Kada thotë se çmimi i policave të sigurimit ndryshon varësisht prej periudhës se qëndrimit në Kosove dhe kapacitetit të automjetit.

Prodhuesi “Alfa” do të hyjë në tregun fitimprurës të SUV-vë vitin e ardhshëm kur blerësve do t’ua ofrojmë modelin C-SUV. C-SUV do të jetë Alfa e parë e re që nga Giulietta, ndërsa burimet pohojnë që prodhimi i tij do t’i besohet fabrikës së “Fiat-it”, asaj Mirafiori në Torino.

Ekspertët nga “Symantec” i paralajmëruan rreth 500 milionë përdorues të “Facebook-ut” që ky rrjet shoqëror rastësisht, “palëve të treta” ia mundësoi qasjen në të dhënat private, fotografi. Në këtë mënyrë “pala e tretë” mund të lë porosi në murin (wall-in) tuaj. Kështu edhe pse investohet punë dhe mundim i madh që të mbrohet privatësia e përdoruesve të rrjetit shoqëror “Facebook”, duket se ata kanë lëshuar një gabim.

Gjiganti kompjuterik “Google” muajin e ardhshëm do të lansojë kompjuterët e parë me sistemin e tyre të ri operativ Chrome, që direkt do të konkurrojë me modelet e “Microsoft-it” me sistemin Windows. Kompjuterët Google Chrome i prodhojnë kompanitë e njohura “Acer” dhe “Samsung”, ndërsa shitja do të duhej të fillonte nga 15 qershori në SHBA, Francë, Britani të Madhe, Gjermani, Itali, Spanjë dhe Holandë.

Të dielën mbrëma, rreth orës 12 pasmesnate, disa hakerë shqiptarë kanë sulmuar disa ueb-faqe qeveritare, duke shprehur kështu pakënaqësinë e tyre në lidhje me Qeverinë Thaçi dhe me Misionin e Bashkimit Evropian për Sundim të Ligjit në Kosovë, EULEX.

Kosova ka kërkuar nga Fondi Monetar Ndërkombëtar (FMN) që t’i monitorojë reformat e saj ekonomike dhe financiare gjatë gjithë vitit 2011, pas shkeljes së marrëveshjes për huamarrje që ka bërë qeveria duke rritur pagat, ka thënë të martën një zyrtar i qeverisë për Reuters.