LG në “Computex” ka prezantuar kompjuterin all-in-one V300 i dedikuar më së shumti për adhuruesit multimedialë, pasi vjen me ekran 23 inç Full HD i ndjeshëm në prekje, me ndriçim të pasmë LED.

Po ashtu, ekrani mbështet edhe shfaqjen 3D dhe për kënaqësi në foto në tre dimensione, nevojiten syze shtesë, çka me këtë kompjuter vijnë dy palë. Pasi bëhet fjalë për ekran të ndjeshëm në prekje, LG në të ka të instaluar softuerin i cili është i përshtatur me një navigacion të tillë.

Në konferencën e mbajtur në panairin “Computex” në Tajvan, Sundar Pichai nga Google ka folur për sistemin operues Chrome OS dhe është përgjigjur në pyetjet rreth përdorimit të tyre eventual në tablo.

Në të vërtetë, zyrtarët e Google-s kohë më parë kanë deklaruar se po testojnë Chrome OS në forma të ndryshme të harduerëve, por tani Pichai e ka vërtetuar se ky sistem operues do të dedikohet vetëm për laptopë, pra se në këtë kompani mbesin pas qëndrimit të vjetër se sistemi operues Android do t’u dedikohet vetëm pajisjeve me ekran të ndjeshëm në prekje, ndërsa Chrome në pajisjet që kanë tastierë.

Po ashtu, ai ka shtuar se nuk ka plane për lidhjen e këtyre sistemeve operuese në të ardhmen e afërt.

Në botimin e ri të librit të “Guiness-it” për “gejmera” dominion “Apple”, dhe atë në disa kategori. iPhone 4 është futur në mesin rekorderëve si “konsola” më e shpejtë e shitur (1.5 milionë copë që në ditën e parë). Sa për krahasim, “Sony” PlayStation-in në vitin 2005 e ka shitur në 200 mijë copë, ndërsa “DS” në vitin 2004 me Nintendo-n arriti që për një ditë t’i shesë 500 copë të kësaj pajisje.

Prodhuesi “Alfa” do të hyjë në tregun fitimprurës të SUV-vë vitin e ardhshëm kur blerësve do t’ua ofrojmë modelin C-SUV. C-SUV do të jetë Alfa e parë e re që nga Giulietta, ndërsa burimet pohojnë që prodhimi i tij do t’i besohet fabrikës së “Fiat-it”, asaj Mirafiori në Torino.

Ekspertët nga “Symantec” i paralajmëruan rreth 500 milionë përdorues të “Facebook-ut” që ky rrjet shoqëror rastësisht, “palëve të treta” ia mundësoi qasjen në të dhënat private, fotografi. Në këtë mënyrë “pala e tretë” mund të lë porosi në murin (wall-in) tuaj. Kështu edhe pse investohet punë dhe mundim i madh që të mbrohet privatësia e përdoruesve të rrjetit shoqëror “Facebook”, duket se ata kanë lëshuar një gabim.

Gjiganti kompjuterik “Google” muajin e ardhshëm do të lansojë kompjuterët e parë me sistemin e tyre të ri operativ Chrome, që direkt do të konkurrojë me modelet e “Microsoft-it” me sistemin Windows. Kompjuterët Google Chrome i prodhojnë kompanitë e njohura “Acer” dhe “Samsung”, ndërsa shitja do të duhej të fillonte nga 15 qershori në SHBA, Francë, Britani të Madhe, Gjermani, Itali, Spanjë dhe Holandë.

Të dielën mbrëma, rreth orës 12 pasmesnate, disa hakerë shqiptarë kanë sulmuar disa ueb-faqe qeveritare, duke shprehur kështu pakënaqësinë e tyre në lidhje me Qeverinë Thaçi dhe me Misionin e Bashkimit Evropian për Sundim të Ligjit në Kosovë, EULEX.

Prodhuesi i njohur gjerman i automobilave “BMW”, versionin e ri, GT versionin e prodhuar sipas modelit të serisë 5 GT, do ta emërtojë seria 4. Modeli i ri në versionin koncept, premierë do të prezantohet në sallonin e sivjetshëm të automobilave në Frankfurt. Emri i ri do të duhet të rrisë dallimin nga versioni i tanishëm seria 3 dhe modelit të ri.

PlayBook i kompanisë RIM ka probleme me sistemin operues, kështu që kjo kompani ka tërhequr 1000 tablo nga tregu. Me PlayBook, i cili është lansuar në treg para një muaji, RIM po mundohet t’i bëjë konkurrencë iPad-it të Apple-s dhe të tërheq klientët biznesmenë, të cilët paraqesin potencial të madh.

Tërheqja ka përfshirë vetëm modelet prej 16 gigabajtëve, për shkak të problemeve me inicimin e programit. RIM ka bërë të ditur se tablotë në të cilat është identifikuar kjo prishje, me siguri se gjenden ende në rrjetet e distributorëve dhe jo në duart e klientëve.