Fqinjësia e mirë, integrimi evropian dhe gjetja e zgjidhjeve praktike në interes të qytetarëve kanë qenë temat që janë diskutuar gjatë takimit që ka pasur shefi i delegacionit serb në dialogun me Kosovën, Borko Stefanovic, me homologen e tij, Edita Tahiri. Kjo është bërë e ditur në komunikatën e dërguar mediave nga zyra e zëvendëskryeministres Tahiri.
Në këtë komunikatë ndër të tjera është cituar zëvendëskryeministrja e Kosovës, duke sqaruar se “Kosova angazhohet për fqinjësi të mirë midis shteteve dhe stabilitetin rajonal” dhe se “në këtë kuadër Kosova e ka pranuar dialogun teknik me Serbinë”.
Komunikata e zyrës së shefes së delegacionit kosovar në dialogun me Serbinë e ka cituar edhe Borko Stefanovicin, i cili e ka falënderuar Tahirin për takimin dhe “e ka konfirmuar gatishmërinë e Qeverisë së Serbisë për të kontribuar pozitivisht në mbarëvajtjen e dialogut teknik”