“EULEX-i tashmë po zhvillon hetimet preliminare. Kur bëhet fjalë për kryes veprash dhe viktima nga Kosova, EULEX-i ka ingerencat, e përgjegjësitë tona janë ekskluzive edhe kur bëhet fjalë për rastet e krimeve të luftës dhe krimin e organizuar”, ka thënë Bonfigli në intervistën dhënë agjencisë serbe të lajmeve Beta.
Duke thënë se EULEX-i aktualisht gjykon edhe në rastet e krimeve të kryera jashtë Kosovës, ai ka hedhur poshtë pohimet se misioni i tij nuk ka kompetenca për të zhvilluar hetime jashtë territorit të Kosovës, transmeton Rel.
Duke vlerësuar ndërkaq se EULEX-i ka “një sistem të jashtëzakonshëm për mbrojtjen e dëshmitarëve”, ai ka hedhur poshtë vlerësimet se në Kosovë nuk ekziston një sistem i këtillë.
“EULEX-i ka kapacitet për mbrojtjen e dëshmitarëve. Në Kosovë tashmë është në procedurë ligji për mbrojtjen e dëshmitarëve, por ne në EULEX kemi një sistem të jashtëzakonshëm për mbrojtjen e tyre. Kjo do të sforcohet edhe më shumë në kuadër të BE-së dhe ndaj jemi absolutisht ë bindur se me sistemin tonë për mbrojtjen e dëshmitarëve, mund ta zhvillojmë një hetim të këtillë me lehtësi”, ka thënë Bonfili.
Në këtë intervistë ai ka folur edhe për çështjen e gjykatave në Mitrovicë, duke shprehur optimizmin e tij se “në të ardhmen e afërt, do të arrihet një zgjidhje”.
Bonfigli sot gjendet në Beograd për t’u takuar me përfaqësues të Ministrisë së Drejtësisë të këtij vendi.aktiv