Mini automobili Kia Picanto fitoi emrin sipas fjalës franceze “piquani”, që simbolikisht do të thotë “pikantan”. Kjo veturë në fillim të këtij viti përjetoi “facelift” konkret. Ky vogëlush i qytetit me dizajn interesant përjetoi ndryshime si në pamjen e jashtme edhe atë të brendshme si dhe fitoi numër të madh të shtesave të sigurisë dhe ngasje më të këndshme.

Modelet e gjertanishme të Kia Picanto-s, përveç që në dimensione ishin automobilë idealë të qytetit, blerësit e perceptonin në të njëjtën kohë edhe si “automobil për femra”. Ky version është rritur në dimensione dhe më nuk dëshiron që ta blejnë vetëm femrat, por tani është automobil ideal i qytetit të cilin e vozisin njëjtë si femrat edhe meshkujt.

Kia Picanto e cila premierë është prezantuar në Gjenevë është për 6 centimetra më i gjatë dhe dukshëm dimensione më të mëdha të jashtme, ku para së gjithash pra i është rritur gjatësia totale dhe ka edhe hapësirë më të madhe ndërboshtore. Edhe bagazhi është pak më i madh dhe nga standardet 200 litra, me palosjen e ulëseve të pasme, mund të rritet në 870 litra.

Kia te Picanto e re vëmendje të posaçme i ka kushtuar ekologjisë, kështu që është i pranishëm sistemi start/stop, koeficienti i rezistencës së ajrit të karrocerisë është 0.31 që është njëri nga rezultatet më të mira në klasë, ndërsa ndotjes së ulët të rrethinës i kontribuojnë edhe gomat ekologjike. Brendësia është me gjerë dhe me këtë edhe më praktike se deri më tani.

Të gjitha modelet e kësaj makine janë të pajisura me ABS, gjashtë jastëk të ajrit, mbylljen qendrore, servodrejtuesin elektrik dhe dritaret e parme me rrymë. Kia nuk harroi që në kabinë të inkorporojë edhe të nevojshmet vrimat për USB dhe iPod. KIA për gjeneratën e re të Picanto-s përgatiti motorë të rinj. Këtu janë motorët 1.0 dhe 1.2-litra me benzinë, ndërsa në ofertë janë edhe versionet LPG bi-fuel dhe flex fuel të motorëve. Kia Picanto 1.0 në karrocerinë me pesë dyer në Gjermani kushton 9.390 euro.